Танымал модель Анастасия Решетова өзінің неге ислам дінін қабылдағанын айтты

Ресейлік модель, Тиматидің бұрынғы азаматтық некедегі әйелі Анастасия Решетова діни көзқарастарының өзгеруінің себептерін түсіндірді. Ол Instagram-да тікелей эфир кезінде жазылушыларымен өз ойымен бөлісті, деп хабарлайды Stan.kz ақпарат агенттігі.

"Мен ер адам үшін Ислам қабылдаған жоқпын. Адамның өзі мұндай шешімге сырттан біреудің көмегімен емес, өз бетімен келуі керек. Менің ойымша, егер біреу оған әсер етсе, шешім шынайы бола алмайды", – деді 25 жастағы Решетова.

Решетованың айтуынша, ол бірнеше жыл бұрын мұсылмандар дінін зерттей бастаған, бірақ исламға көшу туралы түпкілікті шешім қабылдау қиын болған. Модель жанкүйерлерге алкогольден толығымен бас тартқанын және Құранды үйрене бастағанын айтты.

Осы жылдың сәуір айында жұлдыз мешіттің фонында қара паранджа киіп түскен суретін жариялады. Решетованың жанкүйерлерін бұл фото ашуландырған: "Жұлдыздардың жарты суреті жалаңаш бола тұра, мұсылманша киім киген киіп тұрғанын көру күлкілі”, “Мұндай киім киюге ұялмайсыз ба?", "Алдымен жалаңаш суреттерді саламыз, содан кейін паранджа киеміз", — дейді желі пайдаланушылары.